Sekretari Amerikan i Shtetit, Antony Blinken ka thënë sot se ShBA ka gjasa të japë ndihmë të re ushtarake për Izraelin.

Blinken ka thënë se gjatë ditës së sotme do të japin detaje shtesë mbi këtë ndihmë.

“Ne po shqyrtojmë kërkesat specifike shtesë që kanë bërë izraelitët. Mendoj se ka të ngjarë të dëgjoni më shumë rreth kësaj më vonë sot,” tha Blinken në “State of the Union” të CNN, përcjell Arbresh.info.

Blinken tha se drejtimi i presidentit Joe Biden ishte “të sigurohemi që ne po i ofrojmë Izraelit gjithçka që i nevojitet në këtë moment për t’u marrë me sulmet nga Hamasi”.

Tutje ai tha se SHBA-të kanë marrë raporte për amerikanë të zhdukur dhe të vdekur dhe administrata po “punon jashtë orarit” për të verifikuar informacionin.

Në përgjigje të akuzave të republikanëve se administrata Biden ka qetësuar Iranin dhe se shkrirja e fondeve iraniane ka kontribuar në situatën në Izrael, Blinken përsëriti se asnjë para nuk është shpenzuar nga fondet e ngrira të destinuara për qëllime humanitare.

“Pra, njerëzit ose janë të keqinformuar ose janë keqinformuar. Dhe sido që të jetë, është e gabuar, “tha ai.

Ndryshe, deri më tani është raportuar se numri i të vrarëve në Izrael ka arritur në 600 ndërsa janë rrëmbyer 100 persona./Arbresh.info./

Më shumë se 600 izraelitë të vrarë dhe mbi 100 të rrëmbyer