Ministri i Shëndetësisë, Arben Vitia mori pjesë në hapjen e punimeve të Kongresit të 6-të Ballkanik të Kirurgjisë Maksillofaciale dhe Kirurgjisë Orale.

Në fjalën e tij, Vitia u shpreh se një kongres i tillë është jashtëzakonisht i rëndësishëm, pasi që bën bashkë profesionistë të fushës të cilët përmes diskutimeve, prezantimeve dhe punëtorive, ndajnë përvojat për arritjet e fundit shkencore, teknolgjike si dhe teknikave operative, përcjell Arbresh.info.

Tutje ai tha se Ministria e Shëndetësisë ofron mbështetjen e parezervë në avancimin e teknikave të reja diagnostikuese dhe operative në funksion të   shërbimeve sa më cilësore për qytetaret tanë.

“Uroj që ky kongres, përveç shkëmbimit të përvojave më të mira dhe sjelljen e inovacioneve në shërbimet shëndetësore, të shërbejë dhe në ndërtimin e urave të bashkëpunimit me institucionet që ju përfaqësoni. Falë punës tuaj, përvoja dhe njohuritë e fituara do të barten edhe tek brezi i ri”, tha ministri Vitia.

Kongresi i 6-të Ballkanik i Kirurgjisë Maksillofaciale dhe Kirurgjisë Orale do të mbajë punimet nga data 6 deri më 8 tetor./Arbresh.info