Seanca e Kuvendit të Kosovës ka nisur me një minutë heshtje për kolonelin Ahmet Krasniqi.

Me të filluar seanca kryetari i Grupit Parlamentar të Lidhjes Demokratike të Kosovës, Arben Gashi, ka kërkuar në emër të LDK-së një minutë heshtje për të nderuar figurën e kolonel Ahmet Krasniqit.

“Më lejoni që në emër të grupit parlamentar të LDK-së, të propozoj një minutë heshtje në nderim të kolonel Ahmet Krasniqit, ish-ministër i Mbrojtjes së Kosovës, meqenëse sot është 25 vjetori i vrasjes së tij”, ka deklaruar Gashi.

Kujtojmë se Lidhja Demokratike e Kosovës mban sot akademi përkujtimore për Kolonel Ahmet Krasniqin.

Të pranishmëve do të ju drejtohet me fjalën e tij, kryetari i LDK-së, Lumir Abdixhiku.

Ngjarja nis në orën 12:00.

Krasniqi u vra më 21 shtator të vitit 1998 në Tiranë. Ai ka qenë ministër i Mbrojtjes në Qeverinë e Bujar Bukoshit./Arbresh.info/