Një femër ka raportuar se bashkëshorti i saj ia ka dëmtuar pasaportën dhe ID-të e lëshuara nga Shtetet e Bashkuara të Amerikës, në Fushë Kosovë.

Siç thuhet në raportin e policisë, rasti ka ndodhur me datën 03.08.2023 rreth orës 10:30, ku bashkëshorti i viktimës pa pëlqimin e saj ka marrë veturën e saj me targa të huaja dhe ia ka ndaluar që të ketë qasje në kartelat bankare të cilat i kanë të përbashkëta, shkruan Arbresh.info.

Kurse në lidhje me rastin është konsultuar prokurori i shtetit, rasti vazhdon të hetohet nga njësitë relevante.

“Ankuesja femër kosovare me 09.08.2023 ka raportuar se me datën e cekur,  i dyshuari kosovar, bashkëshorti i saj, ia ka dëmtuar pasaportën dhe ID të lëshuara nga shteti Amerikan. Po ashtu ankuesja ka potencuar se i dyshuari pa pëlqimin e saj ia ka marrë veturën e saj me targa të huaja dhe ia ka ndaluar që të ketë qasje në kartelat bankare të cilat i kanë të përbashkëta”, thuhet në raport./Arbresh.info/