Ousmane Dembele nuk do të jetë në trofeun Joan Gamper sonte kundër Tottenhamit.

Siç mund të mësonte më parë SPORT nga burime brenda klubit katalunas, skuadra studioi mundësinë për t’i dhënë leje futbollistit për të mos ndjekur ndeshjen.

Blugranasit kanë publikuar tashmë formacionin, ndërsa francezi shihet se mungon edhe në bankinë.

Barcelona, PSG dhe vetë lojtari po mbyllin marrëveshjen përfundimtare për transferimin e francezit te klubi parisien dhe katalunasit kanë preferuar që Gamper të mos fokusohet tek figura e tij.

Francezi, pavarësisht se nuk ishte aty për ndeshje, deri në momentin e fundit është treguar profesionist. Ai udhëtoi për të finalizuar transferimin e tij te PSG dhe, pasi nuk arriti një marrëveshje, u kthye në Barcelonë dhe u vu nën urdhrat e Xavit, edhe duke e ditur se e ardhmja e tij nuk ishte te Barcelona.

Pa Dembelen, skuadra e Barcelonës do të luajë sonte kundër Tottenhamit, që do të jetë ndeshja e tyre e fundit parasezonale. Të dielën, me fillim nga ora 21:30 ata do të përballen me Getafen.