Policia e Kosovës në Kllokot, me urdhëresë të gjyqtarit të procedurës paraprake, ka realizuar një kontroll në shtëpinë dhe objektet përcjellëse të një personi i komunitetit serb.

Pas kontrollit, janë gjetur dhe konfiskuar si dëshmi për gjykatën një pushkë e llojit M48, një pistoletë e llojit ,,Cervena Zastava“ e kalibrit 7.65 mm dhe 34 copa fishekë të kalibrit 7.92 mm.

I dyshuari me inicialet G.P., është arrestuar dhe shoqëruar në stacionin policor Kllokot ku është intervistuar në bazë të procedurave ligjore.

“Në lidhje me rastin është njoftuar prokurori i shtetit i cili ka urdhëruar që ndaj të dyshuarit të ngritët kallëzim penal për veprat penale ,,Mbajtja në pronësi, kontroll ose posedim të paautorizuar të armëve’’ dhe rasti do të procedohet në prokurorinë themelore”, thuhet në njoftim./Arbresh.info/