Marrëdhëniet ndërmjet Real Madrid e Barcelonës duke se është prishur shumë, me të dyja skuadrat që po thumbojnë njëra-tjetrën.

Real Madrid tani ka publikuar një video katër minutëshe për t’iu kundërpërgjigjur komenteve të presidentit të Barcelonës, Joan Laportas.

Laporta mbajti një konferencë për media, ku u mundua ta mbronte imazhin e Barcelonës për shkak të akuzave të fundit dhe në proces thumboi Realin.

Ai foli për “favorizimet” që i bëhen realit nga gjyqtarët dhe iu drejtua klubit si një “skuadër e regjimit”, një frazë e përdorur shpesh për të lidhur Madridin me ish-diktatorin spanjoll Francisco Franco gjatë sundimit të tij gati 40-vjeçar të Spanjës.

Si kundërpërgjigje skuadra nga kryeqyteti ndau një video katër minutëshe që përshkruan pikërisht lidhjet e Bacelona me Francon.

pic.twitter.com/kILbbHbnzv

— Real Madrid C.F. (@realmadrid) April 17, 2023

“Kush është klubi i regjimit? Barcelona ka fituar tetë tituj të La Ligas dhe nëntë Kupa të Mbretit. Madridit iu deshën 15 vjet për ta fituar ligën e Spanjës gjatë kohës së Francos në pushtet”, thuhet në reagimin e Reali duke iu referuar periudhës 1939-1975.

Marrëdhënia mes dy klubeve është acaruar shumë, pasi Real Madrid pranoi të dëshmonte kundër Barcelonës në hetimin për “Nigeria case”.

Madje presidentët e dy klubeve po ashtu nuk kanë mbajtur drekën e zakonshme mes tyre para “El Clasicos”.

Marrëdhëniet mes dy klubeve ishin përmisuar në vitet e fundit, sidomos pasi dy klubet po punonin bashkë për të krijuar “Superligën”./Arbresh.info/