Në mëngjesin e së martës janë zhvilluar dy ndeshje të Play In në NBA, ku u arritën këto rezultate:

Miami Heat vs Atlanta Hawks 105-116 dhe Los Angeles Lakers vs Minnesota Timberwolves 108-102.

Ndonëse Timberwolves ishin duke fituar me 15 pikë epërs, Lakers i përmbysën ata 1.4 sekonda para fundit të takimit me tre pikëshin e Dennis Schroder, 98-95.

Por edhe më dramatike u bë ndeshja kur Conley gjatë tentimit për 3 pikë u pengua në mënyrë të palejueshme nga Anthony Davis, për t’i fituar 3 gjuajtje të lira, 0.1 sekonda para mbylljes së ndeshjes.

Nga të tri gjuajtjet Conley ishte i saktë duke e çuar duelin në vazhdime pasi koha e rregullt përfundoi me barazim 98-98.

Në vazhdime Lakers fituan ndaj Timberwolves 108-102 dhe u kualifikuan në Playoff të Konferencës Perendimore ku do të takohen me Memphis Grizzlies, ndërsa “Ujqit” e kanë edhe një mundësi për kualifikim, pasi ndeshen me fituesin e duelit tjetër të Play In, New Orleans Pelicans vs Oklahoma City Thunder.

Njejtë qëndron situata edhe në Konferencën e Lindjes, ku Hawks me fitoren e sotme siguruan kualifikimin në Playoff për t’u ballafaquar me Boston Celtics, ndërsa Heat ndeshen me fituesin e takimit Toronto Raptors vs Chicago Bulls./kk