Ministri i Bujqësisë, Pylltarisë dhe Zhvillimit Rural, Faton Peci, në seancën e Kuvendit të Kosovës, ka folur për punën dy vjeçare të Qeverisë Kurti në dikasterin që e ai e drejton.

Në fjalën e tij të rastit, Peci tha se nuk ka qenë e lehtë aspak që të përmirësojë situatën kur e mori drejtimin e ministrisë, që sipas tij, nuk ishte e mirë aspak.

“Instaluam meritokraci në ministri, paratë e taksapaguesve tashmë shkojnë tek fermerët e vërtetë edhe real. Për herë të parë programi vjetor i pagesave direkte u realizua në afat rekord brenda vitit, në kohën e krizave rritëm sipërfaqet e mbjella dhe rendimentin. Këndellja e ministrisë nuk ka qenë e lehtë, kur e mora unë ministrinë ishte e zhytur në korrupsion dhe borxhe, mungonte vizioni, strategjia e lidershipi i qartë”, ka thënë Peci.