Borrelli pritet të deklarohet për rezultatin e takimit Kurti-Vuçiq

20:36 | 18 Mars 2023
K.B

Bashkimi Evropian ka njoftuar se së shpejti pritet që kryediplomati evropian, Josep Borrell do të mbajë konferencë për të treguar rezultatin e takimit në Ohër.

Takimi i sotëm për zbatimin e një propozimi të Bashkimit Evropian për normalizimin e marrëdhënieve mes Kosovës dhe Serbisë, ka nisur sot paradite me takime të ndara të Kurtit e Vuçiqit me ndërmjetësit e BE-së, Josep Borrel dhe Miroslav Lajçak.

Ndërsa takimi trilateral, Kurti-Vuçiq-BE ka nisur pas orës 14:00 dhe ai po vazhdon ende.

Pas një pauze mbi një orëshe, kryeministri i Kosovës, Albin Kurti, dhe presidenti i Serbisë, Aleksandar Vuçiq, kanë rinisur bisedimet, nën ndërmjetësimin e zyrtarëve evropianë.

Shpërndaje në rrjete sociale

Lajmet më të lexuara

Të ngjashme

Foto lajm

sq sq