Ukraina do të përdorë asetet e sekuestruara nga dy banka ruse për të rindërtuar vendin, tha kryeministri Denys Shmyhal gjatë një konference më 4 mars. Fondi është shtuar në buxhet pas likuidimeve të bankave më 25 shkurt 2022, një ditë pas pushtimit të plotë të Rusisë, raporton Kyiv Independent.

Në fillim të dhjetorit, Banka Botërore vlerësoi se kostoja e rindërtimit të Ukrainës pas luftës ishte mbi 600 miliardë euro. Pas sulmeve të vazhdueshme të Rusisë ndaj infrastrukturës të vendit që nga fillimi i tetorit, vlerësimi i Bankës Botërore për koston e rimëkëmbjes u rrit me mbi 200 miliardë euro.

Në dhjetor 2022, Senati i SHBA miratoi një amendament që lejon transferimin e aseteve të sekuestruara që i përkasin oligarkëve rusë tek populli i Ukrainës./abcnews.al