Presidentja e Kosovës, Vjosa Osmani, kryeministri Albin Kurti dhe kryeparlamentari, Glauk Konjufca kanë bërë homazhe në Kompleksin Memorial në Prekaz, me ç’rast kanë vendosur kurora me lule pranë varreve të familjes Jashari.

Kreu i ekzekutivit, deklaroi se teksa festojmë dhe gëzohemi në këtë 15-vjetor të shpalljes së Pavarësisë, kujtojmë me mall dhembje dhe krenari ata të cilët u vetmohuan dhe sakrifikuan dhanë jetën e tyre për lirinë e vendit, raporton arbresh.info

“Teksa festojmë dhe gëzohemi në këtë 15-vjetor të shpalljes së Pavarësisë, kujtojmë me mall dhembje dhe krenari ata të cilët u vetmohuan dhe sakrifikuan dhanë jetën e tyre për lirinë e vendit. Prishtina është kryeqyteti i Republikës por Prekazi është kryeqyteti i kryengritjes shqiptare andaj edhe ardhja jonë këtu në këtë ditë kaq të rëndësishme për popullin dhe historinë tonë tregon që rruga jonë përpara gjithmonë e ka në mendje dhe në kujtesë çmimin e lartë që kemi paguar për lirinë që gëzojmë. Urime 15-vjetori i Pavarësisë të gjithë shqiptarëve kudo që janë”, u shpreh Kurti. /arbresh.info/