Presidentja e Republikës së Kosovës, Vjosa Osmani, në cilësinë e komandantes supreme, në pajtim me kompetencat saj kushtetuese, ka nënshkruar autorizimin për dërgimin e trupave të Forcës së Sigurisë së Kosovës në operacion ndërkombëtar humanitar në Republikën e Turqisë për t’i mbështetur përpjekjet e autoriteteve turke për tejkalimin e pasojave tragjike të tërmeteve të sotme.

Kjo u bë e ditur përmes një komunikate për media nga Presidenca, transmeton arbresh.info.

Presidentja Osmani ka shprehur solidaritet të plotë me popullin e Turqisë dhe ka deklaruar se Republika e Kosovës do të vazhdojë të ofrojë mbështetjen e nevojshme.

Kujtojmë se sot në orët e para të mëngjesit Turqia është goditur nga një termet i fuqishëm 7.8 ballë të Rihterit duke lënë të vdekur mbi 2300 persona.

Lexo edhe:

Shkon në mbi 2300 numri i të vdekurve nga tërmeti në Turqi dhe Siri