Kryetari i Aleancës për Ardhmërinë e Kosovës (AAK), Ramush Haradinaj gjatë qëndrimit të tij në ShBA, është takuar me kongresistin amerikan Ritchie Torres.
Përmes një postimi në Facebook, Haradinaj ka thënë se kongresistit i ka shprehur mirënjohje për mbështetjen e ShBA-së ndaj Kosovës, si dhe e ka ftuar atë për vizitë në Kosovë.
“Nder i veçantë të takohem me mikun e madh të shqiptarëve, kongresmenin Ritchie Torres, të cilit i shpreha mirënjohjen për përkrahjen e tij dhe mbështetjen e pazëvendësueshme që ShBA-ja i ka dhënë Kosovës në të gjitha periudhat. Në takim shtrova nevojën për thellimin e bashkëpunimit strategjik në mes të dy vendeve në të gjitha sferat, atë të sigurisë, politikës së jashtme dhe shkëmbimit ekonomik. Po ashtu, ftova kongresmenin Torres për vizitë në Kosovë”, ka shkruar Haradinaj.
Sipas Haradinajt, aleanca e Kosovës me Amerikën është jetike dhe duhet të trajtohet si e tillë.
“Kosova është më e fortë kur ka miq në Amerikë, të cilët asnjëherë nuk e lënë të vetme në situatat me të cilat ballafaqohet”, ka shtuar ai./arbresh.info/
Pse na shtohet dëshira për ushqim gjatë dimrit?
Liverpooli ka një zëvendësues të gatshëm për Salahun –...
I akuzuari për vrasjen e Charlie Kirk paraqitet për herë të ...
Habit sondazhi i Politico: Trump, njeriu më i fuqishëm në Ev...
Katër të arrestuar në Vlorë për pengmarrjen e një kosovari, ...
Android tani ka mundësinë e ndarjes së video live me shërbim...