Ish-presidenti i Serbisë, Boris Tadiq ka thënë se marrëveshja e propozuar për zgjidhjen e statusit të Kosovës mund ta ndihmojë anëtarësimin e saj në OKB, edhe pse nuk është e shkruar haptas në tekst.

Ai përmes një postimi në Twitter ka shtuar se është e papranueshme që presidenti Vuçiq të shprehë gatishmëri për pranimin e marrëveshjes pa u konsultuar me institucionet e vendit.

të njejtin problem e kanë shpalosur edhe Lëvizja Dveri dhe koalicioni NADA, ku Dveri kërkon një seancë urgjente të Kuvendit, ku deputetët të njoftohen për përmbajtjen e marrëveshjes.

Megjithatë, Kryetari i Lidhjes Socialdemokrate të Vojvodinës, Bojan Kostresh, është i vetmi që ka kërkuar nga presidenti i Serbisë nënshkrimin e planit franko-gjerman për Kosovën, shkruan N1.

“Në bazë të nmjohurive të mia për marrëveshjen që po ofrohet, edhe njëherë e them publikisht se një marrëveshje e tillë mund të mundësojë anëtarësimin e Kosovës në OKB, edhe nëse nuk thuhet shprehimisht në tekstin e saj”, ka shkruar Tadiq.

U skladu sa mojim saznanjima o sporazumu koji se nudi, o čemu sam javno govorio i najavio ovakav razvoj dogadjaja, još jednom ukazujem na to da takvim sporazumom itekako može biti omogućeno članstvo Kosova u UN, čak i ukoliko to uopšte nije eksplicitno navedeno u samom tekstu❗️

— Boris Tadić (@BorisTadic58) January 20, 2023