Kompanija Rajonale e Ujësjellësit ka njoftuar se për shkak të reshjeve të dendura atmosferike në afërsi dhe rreth liqenit të Ujmanit kemi ngritje të turbullirës së ujit në kanalin e Ibrit Lepencit. Impianti i Trajtimit të ujit në Shkabaj dhe Drenas, nuk kanë mundësi teknike të trajtojnë ujin për pije.

“Si pasojë e kësaj, Fushë Kosova së bashku me Zonën Industriale, lagjja Kalabria, Obiliqi do të ketë  redukime të ujit duke filluar sot nga ora 10:00 dhe do zgjasë deri në 16:00, pastaj ujë do të keni nga ora 16:00- 20:00, pastaj reduktim nga ora 20:00-04:00 të mëngjesit. Në pozitë më të rënduar e kemi komunën e Drenasit, por autobotët/autocisternat do jenë aty për t’i furnizuar qytetarët me ujë, thuhet në njoftim

Po ashtu edhe në Fushë Kosovë në kohën e reduktimit do të vendosim autobot për furnizim me ujë deri në tejkalimin e situatës.

Ndërsa edhe në fshatrat e Podujevës do të ketë reduktime gjatë ditës diku rreth 3 orë.

Një situatë e tillë vazhdon deri në  përmirësimin e situatës me turbullirë në kanal, kanë njoftuar KRU./arbresh.info