Fituesja e çmimit Nobel për Paqe, Maria Ressa dhe media e saj e lajmeve në internet, u pastruan të mërkurën nga akuzat për evazion fiskal që ajo tha se ishin ndër një mori çështjesh ligjore të përdorura nga ish-presidenti i Filipineve Rodrigo Duterte, në përpjekje për të penguar raportimet kritike.

Gjykata e Apelit Tatimor vendosi se prokurorët nuk kishin dëshmuar përtej çdo dyshimi të arsyeshëm se Ressa dhe Rappler Holdings Corp iu shmangën pagesave të taksave në katër raste pasi ngritën kapitalin nëpërmjet partneritetit me dy investitorë të huaj.

”Shfajësimi i të akuzuarve bazohet në konstatimet e gjykatës… se të pandehurit nuk e kanë kryer veprën penale”, thuhet në vendimin e saj.

Rappler e mirëpriti vendimin si një “triumf të fakteve mbi politikën”.