Ministrja e Arsimit, Arbërie Nagavci së bashku me ministren e Ekonomisë, Artane Rizvanolli vizituan sot shkollën fillore “Faik Konica” ku me nxënësit biseduan për kursimin e energjisë.

Përmes një postimi në rrjetin social Facebook, Nagavci u shpreh se është e rëndësishme që nxënësit të ndikojnë në kursimin e energjisë elektrike, përcjell arbresh.info/

Tutje ajo shtoi se kreativiteti i nxënësve në të ardhmen mund të sjell rezultate më të mëdha në inovacion.

Në fund Nagavci uroi që ky shembull i nxënësve të shkollës “Faik Konica” të ndikoj në të gjitha shkollat e Kosovës.

Postimi i saj i plotë:

Bashkë me ministren e Ekonomisë, Artane Rizvanolli bashkëbiseduam sot me nxënësit e shkollës “Faik Konica” për kursimin e energjisë elektrike.

I përgëzuam për fushatën e tyre për vetëdijësimin dhe kursimin e energjisë.

Është shumë e rëndësishme që edhe nxënësit të ndikojnë në kursimin e energjisë elektrike, duke vetëdijësuar familjet dhe bashkëmoshatarët e tyre.

Kreativiteti i nxënësve në të ardhmen mund të sjellë rezultate edhe më të mëdha në inovacion.

Uroj që shembullin e këtyre nxënësve ta ndjekin të gjitha shkollat në Kosovë!