Tre të rinjë kanë vendosur flamuj shqiptarë tek Ura e Ibrit në Mitrovicë.

Në pjesën që ndan Mitrovicën e Jugut me atë të Veriut, në pamjet që ka siguruar ekipi i arbresh.info në terren, shihen tre djem të rinj duke i vendosur dy flamuj shqiptarë në këtë urë.

Njëri nga flamujt është flamuri “Authoctonous” që u zbulua për herë të parë më 14 tetor në Beograd në ndeshjen Serbi-Shqipëri, ndërsa flamuri tjetër është ai i Dardanisë.

Kjo vendosje e flamujve në këtë pjesë vie pas rritjes së tensioneve në veri të vendit, që filluan me fillimin e gjuajtjes së bombave nga grupet e organizuara serbe një javë më parë, e që po vazhdojnë me hudhje të bombave në lagjen e “Boshnjakëve” dhe te “Tre Rrokaqiejt” në Mitrovicën e Veriut, lagje këto që banohen nga shqiptarë.

Ndërkaq, serbët kanë vendosur barrikada edhe në rrugët që dërgojnë në pikat kufitare në Jarinjë dhe Bërnjak./arbresh.info/