Këshilltari i Departamentit amerikan të Shtetit, Derek Chollet, ka folur në lidhje me zgjedhjet për pushtetin komunal në veri të Kosovës .

Chollet tha se Shtetet e Bashkuara mendojnë se nuk është koha e duhur për zgjedhje.

“Nuk është koha e duhur për zgjedhje duke pasur parasysh ndjeshmërinë e momentit dhe kemi parë dhunë në 24 orët e fundit. Është kohë e tensionuar dhe duam të sigurohemi se ka kushte për të mbajtur zgjedhje të lira dhe të drejta. Kosova është demokraci shumetnike, sikurse Shtetet e Bashkuara.

Tutje, ai u shpreh se këto zgjedhje duhet të shtyhen derisa koha të jetë e duhur.

“Ne jemi krenar me punën që Shtetet e Bashkuara kanë bërë në këto 20 e ca vjet për ngritjen e demokracisë në Kosovë dhe duam të punojmë për ta mbështetur dhe ruajtur atë. Së këndejmi mendojmë se këto zgjedhje duhet të shtyhen derisa koha të jetë e duhur dhe kur mund të mbahen pa nxitur më shumë joqëndrueshmëri dhe dhunë”, tha ai./VOA