Sveçla nuk lë anash zyrtarët policorë në veri, feston 28 nëntorin me sofër tradicionale

22:42 | 28 Nëntor 2022
E.H

Ministri i Punëve të Brendshme, Xhelal Sveçla ka festuar festën e 28 nëntorit edhe më zyrtarë policorë në veri të vendit.

Të rrethuar në një sofër me ushqime tradicionale, Sveçla tha se zyrtarët policorë me vullnet, profesionalizëm e përkushtim po kryejnë detyrat e tyre në veri.

“Me fli të përgatitur nga një nënë nga Llapi e një vajzë nga Istogu, u bashkuam rreth sofrës për të festuar bashkë festën e 28 Nëntorit me zyrtarë policor të cilët me vullnet, profesionalizëm e përkushtim po kryejnë detyrat e tyre në veri të vendit tonë”, ka shkruar Sveçla në rrjetin social Facebook.

“Me zemërbardhësinë e popullit tonë dhe vendosmërinë e të gjithë zyrtarëve shtetëror, rrugëtimi ynë është i pandalshëm. Gëzuar festën!”, shkroi ai në fund./arbresh.info/