Një sulm kibernetikë ka prekur faqen e internetit të Parlamentit Evropian pak pasi miratoi një rezolutë që njeh Rusinë si një shtet sponsorizues të terrorizmit.

Përgjegjësi për komunikim me publikun i këtij parlamenti, Jaume Duch, përmes një postimi në Twitter e përshkroi atë si një sulm të shpërndarë të DDOS, që është një përpjekje për të hequr një faqe interneti jashtë linje duke e mbingarkuar me “trafik interneti”.

Rezoluta e Parlamentit Evropian tha më herët se “sulmet dhe mizoritë e qëllimshme të kryera nga forcat ruse dhe përfaqësuesit e tyre kundër civilëve në Ukrainë, shkatërrimi i infrastrukturës civile dhe shkelje të tjera serioze të ligjit ndërkombëtar dhe humanitar përbëjnë akte terrori dhe krime lufte”.

Masa, e cila është kryesisht simbolike sepse nuk është detyruese, kaloi me shumicë dërrmuese./arbresh.info/

?The availability of @Europarl_EN website is currently impacted from outside due to high levels of external network traffic.
This traffic is related to a DDOS attack (Distributed Denial of Service) event.
EP teams are working to resolve this issue as quickly as possible.

— Jaume Duch (@jduch) November 23, 2022