Cristiano Ronaldo është shprehur se do të pensionohet nga kombëtarja në rast se Portugalia e fiton Kupën e Botës në Katar këtë vit.

Sipas asaj që raporton Fabrizio Romano, portugezi nuk ka dyshime për këtë çështje.

Po i njëjti burim raporton se lojtari nuk e ka ndërmend t’i bishtnojë këtij vendimi, mirëpo paraprakisht duhet të sigurohet një “kusht i madh” që të ndodhë kjo gjë.

“Pensionohem nëse e fitoj Kupën e Botës në Katar. 100 për qind.

E vlerësoj dashurinë që tifozët kanë për mua edhe kur nuk luaj, edhe kur më kritikojnë do të jetë gjithmonë në zemrën time. Ata do të jenë gjithmonë në zemrën time”, u shpreh Ronaldo, shkruan Romano.

Pesë herë fituesi i “Topit të Artë”, tashmë 37-vjeçar, është në hall sa i përket situatës në klubin e tij, Manchester United, pasi, siç dihet, ekziston një krisje raportesh në mes tij dhe drejtuesve.