Një llogari në Twitter që merret me matjen e të dhënave nga fusha të ndryshme në Kosovë(Kos-data) së fundi ka publikuar përqindjen e burrave dhe grave që kanë kërkuar ndryshimin e Udhëzimit Administrativ që ndalon mbajtjen e shamisë nga vajzat në shkolla.

Sipas këtyre matjeve del se 85% e personave që kanë postuar hashtagun e kampanjës për ndryshimin e UA janë burra dhe vetëm 15% gra.

Këto të dhëna janë nxjerrur nga llogaritë që kanë postuar hashtagun “#ndryshojeni_ua_për_shaminë” në rrjetin social Twitter.

Kujtojmë se dje lidhur me këtë fushatë ka foluredhe kryeministri, Albin Kurti.

Kurti ka thënë se që nuk duhet të ketë ndalim të shamisë dhe elementeve të tjera fetare në jetën publike të qytetarëve, por mosha 16 vjeçare është pragu.

Këtë qëndrim, Kurti tha se e ka shprehur edhe më parë.

Gjinia e personave që kanë postuar nën hashtagun e kampanjës që synon ndryshimin e Udhëzimit Administrativ që ndalon përdorimin e shamisë në institucionet arsimore. pic.twitter.com/y502LzV4pi

— kos_data (@kos_data) August 12, 2022