Teksa çmimet në jug të vendit kanë arritur në stratosferë, nga ana e policisë së shtetit vijon aksioni për lirimin e hapësirave publike. Si rezultat i aksioneve policore, është liruar hapësira në vijën bregdetare në Gjipe, Himarë.

Nën hetim janë vënë administratorët e 4 subjekteve, të cilët zunë hapësirën publike në plazh duke vendosur çadra dhe shezlongë pa lejemn përkatëse. Janë sekuestruar 130 çadra dhe shezlongë.

Në kuadër të planit operacional për kontrollin e vijës bregdetare dhe lirimin e hapësirave bregdetare të zaptuara në mënyrë të kundërligjshme, nga subjekte të ndryshme që vendosin çadra dhe shezlongë, specialistët për Hetimin e Krimeve në Komisariatin e Policisë Himarë referuan materialet në Prokurori dhe nisi procedimi penal, për veprën penale “Pushtimi i tokës”, për shtetasit Sh., 58 vjeçe, B. Sh., 49 vjeç, A. Z., 64 vjeç, banues të tre në Himarë dhe G. S., 50 vjeç, banues në Tiranë.

Materialet në ngarkim të këtyre shtetasve u referuan në Prokurorinë pranë Gjykatës së Shkallës së Parë Vlorë, për veprime të mëtejshme./Abcnews.al/