“Festa e beqarisë” kthehet në tragjedi, humb jetën 22-vjeçarja nga Kumanova

Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

00:35 | 23 Korrik 2022
Trina Galanxhi

Një festë beqarie e vajzave, ka përfunduar me fatalitet për një 22-vjeçare nga Kumanova në Maqedoninë e Veriut. E reja po festonte me shoqet e saja në pishinën e një hoteli në Shkup dhe ka humbur jetën pasi ka rënë në kontakt me rrymën elektrike.

Ngjarjen e ka njoftuar për mediat, Ministria e Brendshme maqedonase.

“Më datë 22 korrik 2022, 11 minuta pas mesnate, në stacionin policor Bit Pazar në Shkup, u denoncua se në objektin hotelerik në rrugën “Qurinçska”, konkretisht, Hotel Bushi, ka vdekur 22-vjecarja me iniciale L.S. nga Kumanova”, thuhet në njoftim.

22-vjeçarja, sapo ka dalë nga pishina ka marrë telefonin e saj, i cili ka qenë në proces karikimi. E reja ka rënë në kontakt me rrymën elektrike dhe për pasojë ka humbur jetën.