Një person ka përfunduar në pranga të Policisë së Kosovës nën dyshimin se ka përdorur dhunë ndaj motrës dhe gruas së tij.

Rasti ka ndodhur sot në Ferizaj, shkruan arbresh.info.

“Stacioni policor në Ferizaj, sot rreth orës 08:25 ka pranuar një informacion se në rrugën ” Beteja e Kaçanikut ” në Ferizaj është një rast i dhunës në familje. Në lidhje me këtë policia menjëherë i ka marr veprimet e nevojshme, ka dalë në vendin e ngjarjes dhe ka arrestuar personin me inicialet S.D (M.K) i moshës 36 vjeçar, i cili fillimisht kishte kanosur bashkëshorten e tij me inicialet R.D (F/K) e moshës 36 vjeçare, e më pas kishte sulmuar motrën e tij me inicialet Xh.D ( F/K) e moshës 33 vjeçare”, bënë të ditur policia.

Policia të dyshuarin e ka shoqëruar në stacionin policor në Ferizaj dhe pas intervistimit nga hetuesit policor, me vendim të Prokurorit të Prokurorisë Themelore në Ferizaj, i njëjti dërgohet në mbajtje për 48 orë, për procedura të mëtejme hetimore, ndërsa rasti është cilësuar ” Dhunë në familje & Sulmi”./arbresh.info/