Një granata dore është gjetur në komunën e Kllokotit. Një serb nga fshati Moqillë, ka njoftuar policinë që në oborrin e shtëpisë së tij ka gjetur një granatë dore, njofton policia e Kosovës, shkruan arbresh.info.

Ndryshe sipas policisë, granata ka qenë e pa shpërthyer, dhe është tërhequr nga vendi i ngjarjes e pa shpërthyer. Policia tregon se granata ka qenë e vjetër dhe se menjëherë janë evakuuar banorët në një perimetër të nevojshëm dhe është siguruar vendi i ngjarjes.

Në vendin e ngjarjes kanë dalë njësiti për deminim i FSK-së dhe njësiti për deminim nga KFOR-i Amerikan, po ashtu edhe njësiti i Hetimeve Rajonale Gjilan.

Në lidhje me rastin është njoftuar Prokurori i Shtetit i cili ka urdhëruar që të iniciohet rast ,,Shkaktim i rrezikut të përgjithshëm’’ dhe rasti të dërgohet në Njësitin e Hetimeve Rajonale për hetime të mëtejme./arbresh.info/