Mbrëmjen e djeshme  pati një  “tërmet” në kabinetin e kryeministrit britanik të Boris Johnosn, pasi dy nga ministrat e tij dhanë dorëheqjen.

Sajid Javid, Sekretari i Shtetit për Shëndetin dhe Kujdesin Social, dha dorëheqjen duke thënë se kishte humbur besimin te Johnson.

Pastaj vetëm disa minuta më vonë, Rishi Sunak, Ministri i Financave, ndoqi Javidin nga Downing Street dhe e la në gjysmë detyrën.

Duke sinjalizuar synimin e tij për të qëndruar në pushtet për aq kohë sa të jetë e mundur, Johnson shpejt emëroi ish-biznesmenin dhe ministrin aktual të arsimit, Nadhim Zahawi, si ministër të ri të financave.

Ndërsa Steve Barclay, i emëruar për të vendosur disiplinë në administratën e Johnson në shkurt, u zhvendos në portofolin e shëndetësisë, shkruan Reuters, transmeton arbresh.info

Ndryshe dorëheqjet erdhën pasi Johnson po kërkonte falje për emërimin e një ligjvënësi në një rol të përfshirë në ofrimin e kujdesit baritor për partinë e tij, edhe pasi u informua se politikani kishte qenë subjekt i ankesave për sjellje të pahijshme seksuale./arbresh.info/