Kosova mbrëmë ka pësuar humbje ndaj Greqisë me rezultat 0-1, në ndeshjen e cila ishte në kuadër të Nations League.

Ndërsa ndeshjen e kanë përcjellore personalitete të ndryshme shtetërore.

Një nga ta ishte edhe Ambasadori amerikan në Kosovë, Jeffery Hovenier, i cili është një tifozë i flaktë i sportit të futbollit.

Hovenier edhe më herët ka përcjellë ndeshje të ndryshme të futbollit kosovarë.

Ndërsa mbrëmë, presidenti i Federatës së Futbollit të Kosovë, Agim Ademi ka vendosur t’ia bëjë dhuratë fanellën e Kombëtares së Kosovës, përcjell arbresh.info.

Lajmin e ka bërë të ditur vetë Agim Ademi me anë të një postimi në Facebook.

Postimi i plotë:

Njoftimi i plotë nga Agim Ademi:

Është nder ta kesh mbështetjen e ambasadorit amerikan Jeffrey Hovenier.

Ai është një fans i madh i Kombëtares së Kosovës, prandaj në ndeshjen kundër Greqisë e kisha kënaqësinë që t’ia dhuroja fanellën dardane.

E mbrëmë fati nuk ishte me ne dhe nuk e morëm rezultatin që e dëshiruam, por futbolli është i tillë dhe jo rrallë nuk fiton ai që e kërkon atë me ngulm.

Sidoqoftë, djemtë tanë kanë nevojë për t’i qëndruar afër dhe për t’i përkrahur maksimalisht. Ata po mundohen ta japin më të mirën e tyre dhe besojmë se në ndeshjet e ardhshme do të marrin rezultatet që i presim të gjithë.

Falënderoj edhe ambasadorët e tjerë të Britanisë së Madhe, të Zvicrës, të BE-së dhe të Greqisë që krahas institucioneve tona ishin në ndeshje dhe janë përkrahës të Dardanëve.

E një falënderim edhe për të gjithë tifozët, të cilët krijuan atmosferë madhështore në ndeshjen e mbrëmshme, e të cilët në fund përkundër rezultatit zhgënjyes i duartrokitën Dardanët tanë.

FORCA KOSOVË!. /arbresh.info/