Ushtruesi i detyrës së kryetarit të OVL të UÇK-së, Faton Klinaku, ka thënë se zgjerimi i aktakuzave ndaj ish-krerëve të UÇK-së është bërë për shkaqe politike.

Klinaku thotë se arsyeja për këtë është që të paraburgosurit të mbahen sa më shumë që është e mundur në Hagë.

“Arsyeja e zgjerimit të aktakuzave është politike, duan ta stërzgjasin procesin”

“Këto janë fabrikime. Shumica e këtyre rasteve nuk ekzistojnë dhe janë shpikje të Serbisë. Pastaj kemi raste të cilat gjykuar. Shumë beteja janë gjykuar nga UNMIK-u dhe kemi pasur raste kur janë dënuar për vepra që nuk kanë ndodhur fare por janë ngritur në bazë të hamendjes. Kemi pasur dënimin e Sami Lushtaku për ‘vrasje’ të një personi që doli që nuk ka ekzistuar fare”, tha ai në T7.

Tutje Klinaku thotë se ish-krerët e OVL të UÇK-së nuk kanë bërë asgjë gabim dhe mbajtja e tyre në Hagë është e padrejtë.

“Krejt cka kemi bërë është që kemi treguar se Serbia pushtuese ka dhënë dëshmi në rastet kundër krerëve të UÇK-së. Pra provat vijnë nga Serbia dhe janë të pavërteta e fabrikime”, shtoi ai.