Mbledhja përkujtimore e ish- boksierit, Xhevdet Peci filloi me himnin e kombëtar të Shqipërisë dhe atë të  Kosovës.

Për të nderuar kontributin e Pecit në sportin e boksit kosovar, të pranishmit mbajtën një minutë heshtje, shkruan arbresh.info.

Në këtë mbledhje foli zëvendësministrja e Kulturës Rinisë dhe Sportit, Daulina Osmani duke shprehur ngushëllimet e saj, familjarëve dhe të afërmve dhe tha se Xhevdeti Peci do të kujtohet përherë.

“Sporti jonë ka humbur një njeri të madh që do të kujtohet e do të përmendet përherë”, tha ajo.

Në këtë mbledhje foli edhe kryetari i qytetit të Mitrovicës, Bedri Hamza.

Hamza tha do të merret iniciativë që ndonjëra nga rrugët, sheshet apo objektet sportive ta mbajë emrin e tij e Pecit,

“Si kryetar i Mitrovicës zotohem se do të marr iniciativën që ndonjërën prej rrugëve, shesheve ose objekteve sportive apo objekteve tjera do ta mbajë emrin e legjendës Xhevdet Peci”, tha ai.

Përmbylljen e mbledhjes përkujtimore të Xhevdet Pecit e bëri djali i tij, Ehad Peci duke shprehur falënderimet e tij ndaj të pranishmëve në sallë./arbresh.info/