Kryeministrja e Serbisë, Ana Bërnabiq ka thënë se takimi i presidentit të Serbisë, Aleksandar Vuçiq, me kancelarin gjerman, Olaf Scholz, në Berlin është jashtëzakonisht i rëndësishëm për Serbinë.

“Urime presidentit Aleksandar Vuçiq që edhe këtë herë gjeti mënyrën për të mbrojtur dhe mbrojtur pozicionin e Serbisë”, tha Bërnabiq, raporton Tanjug.

Ajo gjithashtu ka falënderuar “partnerët gjermanë për mirëkuptimin e tyre”.

“Mirënjohje të madhe për kancelarin gjerman Olaf Scholz, investitorët dhe të gjithë partnerët gjermanë për mirëkuptimin dhe respektin e tyre”, shkroi Bërnabiq në Twitter.

Ndryshe kancelari gjerman, Olaf Scholz të mërkurën ka pritur në takime të ndara, kryeministrin e Kosovës, Albin Kurti, dhe presidentin e Serbisë, Aleksandar Vuçiq.

Në Berlin dje ishte edhe i dërguari i posaçëm i Bashkimit Evropian për dialogun Kosovë-Serbi, Miroslav Lajçak.

Ai në një darkë joformale të mërkurën mbrëma priti kryeministrin e Kosovës, Albin Kurti, dhe presidentin e Serbisë, Aleksandar Vuçiq.