Trajnerët më të suksesshëm të Barcelonës kanë qenë ish-lojtarë që u kthyen në klub në poste drejtuese. Nga Pep Guardiola të Luis Enrique dhe së fudmi Xavi Hernandez, nuk mund të mohohet se suksesi i tyre nuk është rastësi.

Sipas raportimeve të SPORT, Blaugranes po mendojnë të rikthejnë Javier Mascherano si trajner të La Masia. Argjentinasit mund t’i jepet edhe posti i trajnerit të Barcelonës B.

Skuadra B ishte në një ecuri të mirë nën drejtimin e ish-menaxherit, Garcia Pimienta. Megjithatë, administrate e klubit vendosi të shkarkojë spanjollin pasi ai nuk arriti të promovonte skuadrën në sezone të njëpasnjëshme.

Ai u zëvendësua përfundimisht nga Sergi Barjuan. Që atëherë, skuadra ka luftuar më shumë sesa priste administrata.

Katalanasit janë në vendin e dhjetë në Primera Division, pasi kanë humbur dhjetë nga 31 ndeshjet e tyre. Madje, ata kanë pësuar 40 gola, duke shënuar në 42 raste.

Ndërsa ata janë në një formë mbresëlënëse tani, duke fituar pesë nga shtatë ndeshjet e tyre të fundit, të gjithë kanë qenë në një diferencë prej një gol. Për këtë ka kontribuar edhe forma e pabesueshme e Ferran Jutgla.

Mascherano ishte një nga drejtuesit më të zëshëm në Barcelonën e Pep Guardiolës dhe shihet si një person që mund ta kthejë situatën për ekipin B.

Në vitin 2021, mbrojtësi legjendar u emërua menaxher i ekipit U-20 të Argjentinës. Megjithatë, ai tani kërkon një lëvizje për të qenë një menaxher në futbollin e klubit./Arbresh.info