Identifikohet viktima e atentatit mbrëmjen e së dielës në afërsi të Qafës së Rinasit në rrugën Tiranë-Durrës.

Bëhet fjalë për shtetasin Iljaz Çali 37 vjeç.

Ai është qëlluar me plumba teksa lëvizte me makinën e tij Land Rover fuoristrade.

Makina ishte blerë tek shtetasi Hekuran Xhixha, por nuk i ishte ndërruar pronësia.

Ne vitin 2016 Iljaz Cali ishte ndaluar pasi iu gjeten në banesë mbi 600 kg kanabis.

Tiranë/Informacion paraprak

Më datë 03.04.2022, në autostradën Tiranë-Durrës, përballë DHL-së, në rrethana ende të paqarta, është qëlluar me armë zjarri drejt një automjeti tip “Land Rover” dhe si pasojë ka ndërruar jetë drejtuesi i mjetit, ende i paidentifikuar.

Shërbimet e Policisë kanë shkuar menjëherë në vendngjarje dhe po vijojnë krehjen e zonës me qëllim kapjen e autorëve.

Në bashkëpunim me DVP Durrës, Elbasan e Lezhë janë ngritur menjëherë pika kontrolli në rrugët interurbane.

Grupi hetimor po punon për sqarimin e plotë të rrethanave të ngjarjes dhe për fiksimin e çdo prove të vlefshme që mund të çojë në identifikimin e autorëve./VP/

Një i vrarë nga të shtënat me armë në autostradën Tiranë-Durrës