Aplikantja e parë tashmë është pajisur me vizën e parë amerikane me 10 vjet vlefshmëri.

Këtë e ka bërë të ditur kryeministri shqiptar, Edi Rama, përmes një fotografie të shpërndarë në rrjetet sociale.

“Rritet me 10 vjet vlefshmëria e vizës amerikane të qytetarëve shqiptarë, si shprehje kuptimplotë e rritjes së shumëfishtë të bashkëpunimit pas firmosjes së Deklaratës së Partneritetit Strategjik gjatë mandatit tonë të parë qeverisës, si edhe e rritjes së vazhdueshme të besimit e të respektit ndërkombëtar tek Shqipëria, falë reformave shtetndërtuese e rezultateve domethënëse në një rrugë ndryshimi që vazhdon”, ka shkruar Rama.

Para disa ditëve, Shtetet e Bashkuara të Amerikës njoftuan se nga tre vjet, tashmë shqiptarët e Shqipërisë mund të pajisen me vizë 10 vjeçare, në 100 vjetorin e marrëdhënieve bilaterale miqësore./arbresh.info/