Presidenti i FIFA-s, Gianni Infantino pranon se dështimi i Italisë për t’u kualifikuar në Kupën e Botës 2022 në Katar e ka lënë atë me lot në sy.

Kampionët e Evropës kanë humbur kualifikimin në Kupën e Botës për të dytin vit radhazi, pasi kanë dështuar gjithashtu në përpjekjen e tyre për të arritur në spektaklin e vitit 2018.

Skuadra e Roberto Mancinit pësoi një humbje shokuese në gjysmëfinalen e playoff-it kundër Maqedonisë së Veriut javën e kaluar, duke i dhënë fund shpresave të tyre për të përsëritur suksesin e tyre në Euro 2020.

Dhe pasi pa Italinë duke u rrëzuar nga kompeticioni më i madh i futbollit, Infantino thotë se mbeti i shkatërruar.

“Unë me të vërtetë doja të qaja”, tha 52-vjeçari për Rai Sport.

“Për të gjithë italianët është e trishtueshme, është Botërori i dytë radhazi ku Azzurri nuk merr pjesë. Dhe nëse ata kualifikohen për Botërorin e ardhshëm do të jenë 12 vite mungesë”, u shpreh i pari i FIFA-s./Gazeta Express/