Ashtu sikurse që Turqia kapërceu pandeminë, ajo do të kapërcejë edhe problemin e kostos së jetesës që rrjedh nga rritja e çmimeve globale të energjisë dhe mallrave, tha presidenti turk të premten.

Duke folur në ceremoninë e hapjes së një aeroporti të ri në provincën veriore të Tokatit të Turqisë, Recep Tayyip Erdogan tha se “ në po përjetojmë dhimbjen e këtij procesi”, ndërsa shtoi se “shpresoj se na pret një ardhme e begatë për të cilën ia vlejnë të gjitha sakrificat”, shkruan Yeni Safek, transmeton portal arbresh.info

Norma vjetore e inflacionit ishte 54,44% këtë shkurt, ndërsa në të njëjtin muaj të vitit të kaluar ishte 15,61%, sipas shifrave zyrtare. “Nëse Turqia i mbijeton vitit 2023 – 100 vjetorin e themelimit të republikës sonë – duke mbrojtur unitetin, solidaritetin dhe vëllazërinë e saj, me lejen e Allahut, askush nuk mund të na mbajë në asnjë fushë, përfshirë edhe ekonominë”, tha Erdogan.

Në lidhje me samitin e NATO-s në Bruksel, Erdogan tha se “Turqia ka dhënë mesazhet dhe qëndrimin e saj”.

Presidenti tha se vlera e investimit të aeroportit të ri është 1.2 miliardë lira turke (rreth 81 milionë dollarë) dhe ka një kapacitet prej 2 milionë pasagjerësh në vit./arbresh.info/