Ish-Sekretarja e Shteteve të Bashkuara të Amerikës, Madeleine Albright, sot ka ndërruar jetë nga sëmundja e rëndë e kancerit.

Ambasadori amerikan në Kosovë, Jeff Hovenier, në twitter, ka shkruar se vetë jeta e Albrght ishte personifikimi i ëndrrës amerikane

Hovenier poashtu ka shkruar se  përparimi i Kosovës është një nderim i vazhdueshëm për trashëgiminë e saj, përcjell arbresh.info.

“Jeta e Albright ishte personifikimi i ëndrrës amerikane – ngjitja nga refugjati në Sekretaren tonë të parë femër të Shtetit. Udhëheqja e saj e guximshme në Ballkan shpëtoi jetë të panumërta. Përparimi i Kosovës është një nderim i vazhdueshëm për trashëgiminë e saj”, tha ambasadori.

Albright e cila në moshën 84-vjeçare ka ndërruar jetë, gjatë 1997 deri më 2001 ishte sekretarja e 64-të e Shtetit amerikan.

Gjatë pozitës së saj si sekretare e shtetit amerikan, ishte njëra ndër shtyllat kryesore për të ndaluar agresionin dhe krimet e mëdha në Kosovë nga presidenti i atëhershëm i Serbisë, Sllobodan Millosheviç /arbresh.info/

.@Madeleine Albright’s life was the personification of the American dream—climbing from refugee to our first female Secretary of State. Her courageous leadership in the Balkans saved countless lives. Kosovo’s progress is an ongoing tribute to her legacy. pic.twitter.com/BThNbyNLkd

— Ambassador Jeff Hovenier (@USAmbKosovo) March 23, 2022