“Sunny Hill”, është festivali në Kosovë që për herë të parë u organizua në vitin 2018 nga Dua Lipa.
Ky festival dy vitet e fundit, u detyrua të mos organizohej, shkaku i përhapjes së virusit COVID-19.

Lajmin e ka konfirmuar këngëtarja shqiptare me famë ndërkombëtare, Dua Lipa.

“Një vend ku mezi pres të kthehem është Shqipëria e Jugut. Shkova për dy javë verën e kaluar dhe bukuria atje është e pakrahasueshme. Uji është i njëjtë me Greqinë dhe ushqimi është i mahnitshëm. Po përpiqem të bëj sa më shumë njerëz të shkojnë në Shqipëri dhe Kosovë: dua të ndryshoj këndvështrimin e tyre se si janë këto vende. Festivali ynë ‘Sunny Hill’ do të përsëritet në Kosovë në gusht të këtij viti, dhe më pas do të kthehem me siguri në Shqipëri”, ka thënë ajo për Financial Times./arbresh.info/