Presidenti ukrainas Volodymyr Zelensky, ka kërkuar nga kryeministri izraelit, Naftali Bennet, që të ndihmojë në ndërmjetësimin e negociatave mes Ukrainës dhe Rusisë, tha ambasadori i Ukrainës në Izrael për CNN.

“Presidenti ynë beson se Izraeli është i vetmi shtet demokratik që ka marrëdhënie të mira me Rusinë dhe Ukrainën dhe që mund të përdoret për të lehtësuar ato negociata,” tha Yevgen Korniychuk për CNN të premten në mbrëmje, transmeton portal arbresh.info

Korniychuk tha se Jeruzalemi është i preferueshëm se Minsku ku u zhvilluan bisedimet e mëparshme, sepse Bjellorusia është një aleate e ngushtë e Rusisë dhe Ukraina nuk “beson në legjitimitetin” e udhëheqësit aktual të Bjellorusisë, Alexander Lukashenko.

Sa i përket përgjigjes izraelite ndaj kërkesës, Korniychuk tha se ata “as nuk pajtohen dhe as e mohojnë atë, ata po e konsiderojnë atë dhe kjo është një shenjë pozitive”.

Zyra e kryeministrit izraelit nuk ka dashur të japë asnjë koment në lidhje me kërkesën e Presidentit ukrainas./arbresh.info./