Ad Banner
Ad Banner
Ad Banner
Ad Banner

Indonezi, të paktën 10 vdekur nga goditja e valëve në plazh

13:25 | 13 Shkurt 2022
A Z

Të paktën dhjetë persona kanë humbur jetën pasi u goditën nga valët teksa meditonin në një plazh në Indonezinë lindore, transmeton Anadolu Agency.

Gazeta “Straits Times” raporton se një grup prej 23 personash kishin dalë pas mesnate për të praktikuar joga dhe medituar në plazhin Payangan në provincën indoneziane Java Lindore.

Shefi i policisë në rajon, Hery Purnomo, tha se valët e përfshinë grupin ndërsa praktikonte meditimin.

Ai tha se ekipet e shpëtimit kishin nxjerrë trupat e dhjetë të vdekurve dhe kishin shpëtuar 12 persona nga uji dhe ishin ende në kërkim të një 40-vjeçari.

“Nuk kemi zbuluar ende qëllimin dhe ritualin për shkak të cilit grupi u mblodh në plazh. Hetimet për detajet e aksidentit janë duke u zhvilluar”, tha Purnomo.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm