Ekspertja ligjore për media, Flutura Kusari ka dënuar arrestimin e kameramanit Albion Selitaj, gjatë një aksioni të Policisë së Kosovës në zyret e “AgroKosova Holding”.

Kusari përmes një statusi në Facebook ka thënë se arrestimi i kameramanit të “Ekonomia Online” është absolutisht i papranueshëm, shkruan arbresh.info

“Qysh arrestohet kameramani more? Qysh kështu? A e dini në cilat shtete arrestohen kameramanët? E pashë videon, djali ke tu vepru në pajtim të plotë me etikën e mediave. Një grup i madh i policëve me forcë e larguan nga vendi i ngjarjes, sikur ai të ishte ndonjë mafioz me rrezikshmëri të lartë. Policët s’guxojnë me gisht mi prek gazetarët dhe kameramanët kur janë duke e kryer detyrën”, ka shkruar ajo.
Kusari ka thënë se ky veprim është turp për policinë.

Ajo ka thënë se Drejtori i Policisë së Kosovës duhet të japë llogari të detajuar se përse policët e tij i pengojnë mediat. /arbresh.info/