Pas arrestimit të kreut të PSD-së Dardan Molliqaj, ka reaguar kryetari i LDK-së, Lumir Abdixhiku.

Ai ka thënë se ky arrestim ka hije të një hakmarrjeje politike, për të cilin si akt ka thënë se për të dhe LDK-në është i papranueshëm.

Dardan Molliqaj është arrestuar sonte para hyrjes në një emision televiziv ku ishte i ftuar. Ai ishte duke hetuar për sulm ndaj policit në protestën e së shtunës kundër rritjes së çmimit të energjisë.

Postimi i plotë i Abdixhikut:

Arrestimi i dhunshëm i Kryetarit të PSD-së Dardan Molliqaj, ka shije të një hakmarrjeje të pastër politike; prandaj ky akt, për mua dhe LDK-në është i papranushëm dhe kundër standardeve bazike të demokracisë.
Kurti dhe Qeveria e tij nuk guxojnë të përdorin pushtetin policor për kërcënime e arrestime politike; sidomos kur për alternativë kanë ndjekjen normale e njerëzore të rrugëve procedurale sipas rregullave tashmë të njohura.
I bëj ftesë organeve të rendit të ruajnë integritetin e tyre profesional e të pavarur dhe të mos bëhen pjesë e këtij teatri politik të një Qeverie paranoike./arbresh.info/

Arrestohet Dardan Molliqaj