Të shtëna me armë zjarri janë dëgjuar sot rreth orës 18:20 në Dobërdol të Podujevës.

Lajmin për arbresh.info e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Policia me të marrë informatën ka dalë në vendngjarje dhe janë vënë në ndjekje të personave të dyshuar.

Në ikje e sipër njëri nga këta persona ka shtënë me armë zjarri, mirëpo nuk raportohet për persona të lënduar.

“Rreth orës 18:20, kemi pranuar informatën se në një shtëpi në fshatin Doberdol të Podujevës, me forcë janë futur katër persona të dyshuar. Me të marrë informatën policia ka dalë në vendngjarje dhe janë vënë në ndjekje të personave të dyshuar. Në ikje e sipër njëri nga personat e dyshuar ka shtënë me armë zjarri, nuk raportohet për persona të lënduar. Aktualisht policia janë duke punuar në identifikimin dhe arrestimin e personave të dyshuar”, ka thënë Ahmeti./arbresh.info/