Real Madrid është duke vëzhguar nga afër mundësinë për transferimin e mbrojtësit Joe Gomez.

Anglezi që pësoi lëndim serioz te “Reds”, ka humbur pjesën më të madhe të sezonit të kaluar, ndërkohë lëndimet e kanë shqetësuar edhe këtë edicion, ku ende nuk ka zhvilluar asnjë ndeshje në Premierligë.

Sipas “BBC Sport”, Madrid është duke e vëzhguar Gomez dhe beson që ka mundësi për transferimin e anglezit, ngase Liverpool verën e kaluar transferoi Ibrahima Konate.

Mirëpo, Liverpool assesi nuk mendon transferimin e Gomez në verë, prandaj Reali duhet të pres deri në verë për të parë nëse ka ndonjë gjasë për të kompletuar transferimin.

Gomez që ka zhvilluar 11 ndeshje me Kombëtaren e Anglisë, ka kontratë në “Anfield” deri në vitin 2024.

Raportohet se Gomez është ndër prioritet për “Los Blancos”, bashkë me yjet e tjerë si Kylian Mbappe, Antonio Rudiger e Erling Haaland.