Ndeshja e shtyrë e natës së mbrëmshme mes Atalantas dhe Villarealit, do të zhvillohet sonte nga ora 19:00.

Ndeshja e paraparë të zhvillohej mbrëmë me orarin e planifikuar 21:00, u shtye për shkak të reshjeve të mëdha të borës që pamundësuan krijimin e kushteve të përshtatshme për lojë.

Dy skuadrat kanë publikuar formacionet zyrtare për këtë ballafaqim.

Atalanta XI: Musso; Toloi, Demiral, Palomino; Hateboer, de Roon, Freuler, Maehle; Pessina; Zapata, Ilicic.

Villarreal XI: Rulli; Foyth, Albiol, Pau Torres, Estupinan; Gomez, Capoue, Parejo, A.Moreno; Danjuma, G.Moreno.

Kjo ndeshje do të përcaktojë skuadrën e fundit që do t’i bashkohet raundit të 1/16 të Ligës së Kampionëve.

Villareal gjendet e dyta në tabelë me shtatë pikë, gjersa Atalanta e treta me gjashtë pikë.

Skuadra italiane gjendet në një formë dukshëm më të mirë pasi ka katër fitore dhe një barazim në pesë ndeshjet e fundit në të gjitha garat, teksa skuadra spanjolle ka vetëm një fitore në pesë ndeshjet e fundit në të gjitha garat.