Golden Eagle Ylli ka shënuar fitore ndaj Rahovecit në udhëtim me rezultat 72:77 në kuadër të javës së katërt të Ligës Unike.

Në periudhën e parë, vendasit e nisën ndeshjen më mirë, duke pasur epërsi të lehtë 12:7, por therandasit barazuan shifrat dhe kjo pjesë përfundon 16:16.

Mysafirët vazhduan me lojë të mirë, duke kaluar në epërsi 20:27, por “Vreshtarët” rikthehen shpejt, për të barazuar rezultatin në 27:27, por në fund të periudhës së dytë, kampionët e Ligës Unike shkëputen sërish, për të shkuar në pushim me shifrat 35:41.

Ylli vazhdon me lojë të mirë edhe në perodën e tretë, ku arriti epërsinë më të lartë në ndeshje, 20 pikë, 44:64, kurse krejt çfarë bënë vendasit ishin të ngushtojnë shifrat në 55:65, sa ishte rezutati në semafor pas 30 minutash.

Rahoveci nuk u dorëzuan dhe tentuan rikthimin e madh, por arritën vetëm të ngushtojnë shifrat në 72:75, dy minuta nga fundi, megjithatë Yllu triumfoi me rezultat  72:77.

Te Rahoveci u dallua Milik Yarbrough me 20 pikë e 13 kërcime, kurse te Golden Eagle Ylli u dalluan Brandon Randolph me 23 pikë, pesë kërcime e shtatë asisitme, Barret Benson me 16 pikë e 12 kërcime dhe Erjon Kastrati me 20 pikë./Arbresh.info