Mos marrja e ftesës nga Shtetet e Bashkuara të Amerikës (SHBA) për të qenë pjesë e Samitit për Demokraci, kanë reaguar zyrtarë të opozitës.

Mirëpo, e heshtur për këtë nuk po rri as pozita.

Jeton Zulfaj, këshilltari politik i kryeministrit Albin Kurti, ka reaguar duke ia hedhur fajin për mos ftesë Qeverisë Hoti, shkruan arbresh.info.

Sipas tij, nuk është aspak befasi përse Kosova nuk u ftua në Samitin për Demokraci të thirrur nga SHBA-të, pasi sipas tij, demokracia në Kosovë ka rënë gjatë qeverisjes Hoti,

“Mbase edhe ndonjë muaj do të shihemi me raportet ndërkombëtare të 2020. Nuk është aspak befasi përse Kosova nuk u ftua në Samitin për Demokraci të thirrur nga Shtetet e Bashkuara të Amerikës. Kosova është vendi i vetëm në Ballkanin Perëndimor që radhitet më së ulëti në “Nations in Transit” nga Freedom House me 3.14 nga 7 pikë ose 36% nga 100%. Freedom House vlerëson se këtë vit rezultati i demokracisë shënoi rënie për Kosovën për shkak të instalimit jokushtetues të qeverisë Hoti në Qershorin e vitit 2020”, shkruan Zulfaj.

Reagimi i tij i plotë:

LEXO EDHE

Ambasada Amerikane tregon arsyen e mos ftesës së Kosovës në Samitin e Demokracisë