Ministri i Kulturës, Rinisë dhe Sportit, Hajrullah Çeku sot me anë të një konferencë për media ka paralajmëruar se Qeveria e Republikës së Kosovës, është duke planifikuar që t’i ndjekë procedurat ligjore ndaj Serbisë, pasiqë këta të fundit kanë penguar ekipin e Kosovës në bosk të kalojë  kufirin dhe të marrë pjesë në Kampionatin Botëror të Boksit e cila është duke u zhvilluar në Beograd.

“Në emër të Qeverisë së Republikës së Kosovës e dënojmë rëndë veprimin e Qeverisë së Serbisë për ta penguar Kosovën që të marrë pjesë në Kampionatin Botëror të Boksit. Ne konsiderojnë që ky veprim i organizatorit të këtij kampionati është me direktiva nga Qeveria e Serbisë”, ka thënë Çeku.

Ai poashtu ka shtuar se Kosova është pjesë  me të drejta të plota në AIBA, andaj askush nuk ka të drejt të pengojë përfaqësuesit e Kosovës për të marrë pjesë në këtë kampionat.

Çeku ka theksuar se për këtë veprim nga ana e Serbisë,  jo sportive dhe kjo çështje është  çështje politike.

Andaj, ministri ka treguar se për sjellje të tyre, është parashtruar një ankesë  në Bashkimin Evropian por janë të habitur që ende  nuk ka pasur ndonjë reagim nga ana e tyre. / arbresh.info/

Konferena e plotë: